Smart QR Video Gate Bell
Purane VDP aur ADP ka modern vikalp. Visitor gate par QR scan kare, aapke phone par video call aaye, aur aap ek tap mein gate kholo. Na building mein wiring, na indoor monitor jo kharab ho.
- Koi wiring nahi
- Aapka number private
- Visitor ko app nahi chahiye
Purana intercom baar-baar kyun kharab hota hai?
VDP/ADP system ka har hissa ek taar se juda hota hai. Ek taar kata, ek panel bhiga, ya ek monitor jala, aur poora system band.
Taar kat jaate hain
Renovation, chuhe, paani, ya cable wale. Building ki wiring theek karna mehenga aur gandagi wala kaam hai.
Gate ka panel kharab
Dhoop, baarish aur dhool mein outdoor panel ka camera dhundhla aur button jaam ho jaata hai.
Indoor monitor band
Har flat mein ek screen, aur har screen ki apni repair. Ghar par na ho to pata hi nahi chalta kaun aaya tha.
Button → Scan → Call → Gate khula
Visitor ko koi app download nahi karni. Bas phone ka camera.
Hara button dabayein
Gate ki plate par laga hara button. Button dabe bina call nahi lagti, isliye QR ki photo se ghar baithe koi call nahi kar sakta.
QR scan karein
Phone ke camera se. Visitor ko koi app download nahi karni.
Floor aur visitor type
Floor chunein, aur Delivery, Courier, Parcel, Doodh wala ya Mehmaan likhein.
Video ya audio call
Resident ke phone par ring. Dekh ke baat karein, chahe ghar par na hon.
Gate kholein ya na kholein
Ek tap mein gate khulta hai. Faisla hamesha resident ka.
Visitor ke paas phone nahi? Laal panic button dabaye. Saare floors par ghanti bajegi aur sabke phone par alert jayega ki gate par koi madad maang raha hai.
Gate par jo chahiye, sab phone mein
Video aur audio call
Gate par kaun hai, ghar ke andar ho ya office mein, phone par dekho aur baat karo.
Aapka number private
Visitor ko kabhi aapka mobile number nahi dikhta. Call app ke andar hoti hai.
4G SIM par chalta hai
Gate box apni SIM se juda rehta hai. Kisi flat ka WiFi band ho jaaye, system chalta rahega.
Remote aur floor switch
Internet ya bijli gayi to bhi har floor ke remote ya wall switch se gate khulta hai.
Panic button
Bina phone wale visitor ke liye laal button. Saare floors par ghanti aur phone par alert.
Battery backup
Bijli jaane par bhi lock aur gate box battery par chalte rehte hain.
Jaldi jawab
"Gate par rakh do", "5 min mein aa raha hoon": parcel wale ko bina call uthaye jawab.
Har entry ka record
Kaun aaya, kab aaya, gate kisne khola: sab app mein dikhta hai.
Poora parivaar
Ek flat ke kai phone par ek saath ring. Jo pehle uthaye, wahi gate khole.
Purana VDP / ADP vs Xshield QR Gate Bell
| Purana VDP / ADP | Xshield QR Gate Bell | |
|---|---|---|
| Building mein wiring | Har floor tak | Bilkul nahi |
| Har flat mein monitor | Chahiye, kharab bhi hota hai | Nahi, aapka phone hi monitor |
| Ghar se bahar ho to | Call miss | Kahin se bhi dekho aur gate kholo |
| Visitor ka record | Nahi | Har call aur entry ka log |
| Internet / bijli gayi to | Band | Remote, floor switch aur battery backup |
| Naya flat jodna | Nayi wiring + naya monitor | App mein flat jodo, ho gaya |
Ek gate, kai ghar
Builder floor
3–5 floor, ek gate. Sabse aasaan aur sabse sasta setup.
Society / apartment
Har tower ya har gate par alag plate, saare flats ek system mein.
Kothi / bungalow
Main gate par plate, ghar ke saare phone par ring.
Office / PG
Reception ke bina visitor entry, aur har entry ka record.
Sawaal-jawab
Visitor ko koi app download karni padegi?
Nahi. Visitor sirf phone ke camera se QR scan karta hai aur browser mein page khul jaata hai. App sirf resident ke phone mein hota hai.
Kisi ne QR ki photo le li to kya wo ghar se call kar sakta hai?
Nahi. Floors tabhi dikhte hain jab gate par laga hara button dabaya jaaye. Isliye call karne ke liye gate par khada hona zaroori hai.
Internet ya bijli chali gayi to?
Gate box 4G SIM par chalta hai, kisi ke WiFi par nahi. Lock aur gate box battery backup par chalte hain. Aur internet bilkul na ho to har floor ka remote ya wall switch bina internet ke gate kholta hai.
Visitor ke paas phone na ho to?
Gate par laal panic button hai. Dabane par saare floors par ghanti bajti hai aur sabke phone par alert jaata hai.
Mera number visitor ko dikhega?
Nahi. Call app ke andar hoti hai, kisi ka mobile number kahin nahi dikhta.
Abhi wala electric lock chalega?
Zyada tar electric lock aur lock power supply ke saath kaam karta hai. Free demo mein hum aapka abhi wala setup check karke batayenge.
Kitna kharcha aayega?
Building ke floors, gates aur lock ke hisaab se. Free demo ke baad aapko likhit quote denge.
Apne gate par chalta hua dekho
Form bharo, form WhatsApp par aa jayega. Hamari team call karke demo ka time tay karegi.
- Aapke gate aur lock ka free check
- Phone par live demo: call aur gate kholna
- Likhit quote, koi chhupa kharcha nahi